ទឹកប្រាក់​១ពាន់ដុល្លារ និង២ពាន់ដុល្លារពី FFC កំពុងចាំមន្ត្រី និង​កីឡាករបាល់ទាត់ជម្រើសជាតិ

ទឹកប្រាក់លើកទឹកចិត្ត១០០០ដុល្លារអាមេរិកពីសហព័ន្ធកីឡាបាល់ទាត់កម្ពុជា នឹងធ្លាក់ដល់ដៃមន្ត្រី ព្រមទាំងកីឡាករជម្រើសជាតិកម្ពុជា ប្រសិនបើពួកគេទទួល​បាន​ជ័យជម្នះ​ក្នុងមួយប្រកួតនៅវគ្គចែកបពូល AFF Suzuki Cup 2018។ 

មិនតែប៉ុណ្ណោះទេ ថវិកា២០០០ដុល្លារអាមេរិកទៀតនឹងត្រូវផ្ដល់ដល់ក្រុមការងារ និងកីឡាករ ទាំងអស់បន្ថែមទៀត ប្រសិនបើឆ្លងដល់វគ្គពាក់កណ្ដាលផ្ដាច់ព្រ័ត្រ។

ក្រុមជម្រើសជាតិកម្ពុជា ត្រូវប្រកួតជាមួយម៉ាឡេស៊ី នៅថ្ងៃទី០៨ វិច្ឆិកា នេះវេលាម៉ោង៦និង៣០នាទីល្ងាច នាពហុកីឡដ្ឋានជាតិ បន្តជួបម្ចាស់ផ្ទះមីយ៉ាន់ម៉ា ថ្ងៃទី១២ វិច្ឆិកា, ប៉ះភ្ញៀវឡាវ ថ្ងៃទី២០ វិច្ឆិកា និងបិទពូល A ជាមួយម្ចាស់ផ្ទះវៀតណាម នៅថ្ងៃទី២៤ វិច្ឆិកា៕