​ទោះ​បីទើបបំបាក់ឡាវ ៣-១ ក៏ដោយ កម្ពុជា​មិនអាចទៅវគ្គបន្ត AFF Suzuki Cup 2018

 

ក្រោយចប់ប្រកួត​​ កម្ពុជាបាន​ដឹង​ច្បាស់​ថា​មិនអាចបន្តទៅវគ្គបន្ទាប់ AFF Suzuki Cup 2018 ក្នុង​ពូល  A បើ​ទោះបីទើប​តែ​បំបាក់​ក្រុម​បាតតារាងឡាវ ៣-១ នៅក្នុងទឹក​ដីពេលល្ងាចម្សិលមិញនេះ។

ក្រុម​គោព្រៃ ឬ អ្នកចម្បាំង​អង្គរ អាច​រកគ្រាប់បាល់បាន​នៅ​នាទីទី ១៨ ដោយការ​បញ្ជូនបាល់​ពី សាត រ៉ូសីប ហើយ ចាន់ វឌ្ឍនាកា បាន​តែតបញ្ចូល​ទី​នាំមុខឡាវ​ មិន​បាន​ប៉ុន្មាន​នាទីផង​កម្ពុជា​ក៍ទទួលបាន​បាល់​ពិន័យនៅ ៥ នាទីបន្ទាប់ ហើយ ប្រាក់ មុន្នីឧត្តម ក៏បាន​ស៊ុត​បញ្ចូលទី​បានសម្រេច ជួយក្រុម​រកបាន​គ្រាប់ទីពីរនាំមុខឡាវ ២-០ ក្រុមឡាវ​ក៏បាន​ប្រឹងវាយបក​វិញ​រហូត​រកបានមួយ​គ្រាប់នៅនាទីទី ៧៦ ដែល​រកបាន​ដោយ​កីឡាករ Somxay Keohanam ១ នាទីបន្ទាប់ កែវ សុខផេង ក៏បាន​បន្ថែមមួយគ្រាប់ទៀត ចប់ការប្រកួតកម្ពុជាឈ្នះឡាវ ៣-១ ទទួលបាន ៣ ពិន្ទុ។

តើលទ្ធផលថ្ងៃនេះមានន័យ​យ៉ាងដូចម្តេច​សម្រាប់ក្រុមកម្ពុជា ក្នុង​ពានរង្វាន់​ AFF Suzuki Cup 2018?

កាលពីមិនទាន់​ប្រកួត​ម្សិលមិញ កម្ពុជា​នៅ​មាន​សង្ឃឹម​សេស​សល់​បន្តិច​បន្តួច​ព្រោះ​ថា​បើ​ កម្ពុជា ឈ្នះឡាវ ដោយមានគ្រាប់បាល់​ច្រើន ហើយ រវាង មីយ៉ាន់ម៉ា និង វៀតណាម មាន​អ្នក​ឈ្នះ​អ្នកចាញ់​នោះ កម្ពុជា អាច​នៅ​មាន​ឱកាស​ស្តួច​ស្តើង​មួយ​ទៀត​ នោះគឺ​ត្រូវ​យក​ឈ្នះ​ក្រុម​វៀត​ណាម​ ដោយ​គ្រាប់​បាល់​ច្រើន ទើប​មាន​ឱកាសអ៊ុតរក​អ្នក​មាន​គ្រាប់​បាល់​ចំណេញ​ច្រើន​ជាងគេ។ តែ​ដោយ​សារ​ការ​ប្រកួត​ម្សិលមិញនេះ មីយ៉ាន់ម៉ា និង វៀត​ណាម​ ស្មើ មានន័យថាក្រុម​ទាំងពីរ មាន ម្នាក់ ៧ ពិន្ទុឈរនៅកំពូលតារាង ទៅហើយ ដែល​លទ្ធផលរបស់កម្ពុជាលែង​មាន​ន័យទៀតហើយ។ បើ​ទោះ​ជាកម្ពុជា​ អាច​យក​ឈ្នះ​វៀតណាមក្តី ក៏កម្ពុជា​មិន​មាន​ឱកាសទៀតដែរ ព្រោះថា​បើ​កម្ពុជាឈ្នះវៀត​ណាម ហើយ ម៉ាឡេស៊ី បែរជាចាញ់ មីយ៉ាន់ម៉ា នោះ​មាន​ន័យថា មីយ៉ាន់ម៉ា នឹង​ដឹក​ដៃ វៀត​ណាម ទៅ​វគ្គពាក់កណ្តាល​ផ្តាច់​ព្រ័ត្រ។ តែបើ ម៉ាឡេស៊ី បែរជាឈ្នះ មីយ៉ាន់ម៉ាវិញនោះម៉ាឡេស៊ីនឹង​ឡើង​ទៅបន្តចំណែក​ឯវៀតណាមនិងមីយ៉ាន់ម៉ាត្រូវ​ប្រៀបធៀបគ្រាប់បាល់ចំណេញសិន។ និយាយទៅ​រវាងមីយ៉ាន់ម៉ា វៀតណាម និង ម៉ាឡេស៊ី នៅមិន​ទាន់​អាច​និយាយ​បាន​ជាប្រាកដ​ថាពីរក្រុម​​អ្នក​ណា​នឹងឡើងទៅវគ្គបន្ទ​សម្រាប់​ពូល A តែកម្ពុជានឹង​ឡាវ​គឺចប់​ហើយ ដោយឡាវ​ទៅផ្ទះមុន ហើយកម្ពុជា​នៅ​មួយប្រកួត​បង្គ្រប់កិច្ច​ទល់នឹង​វៀត​ណាម​ទៀត។

ទោះជាបែបនេះក្តីលទ្ធផល ម្សិលមិញនេះ​បាន​ធ្វើ​ឲ្យអ្នកគាំទ្រ​មាន​ជំនឿចិត្ត​ឡើង​វិញ​ចំពោះក្រុម​កម្ពុជា ជាពិសេស​ក្រោមការដឹកនាំ​របស់អ្នកចាត់ការ​ Keisuke Honda៕ Credit=foxsports.kh

Comment
0 comment

0 comment

Related articles